کُلّیاتِ غالبؔ

اِس ویب‌ کتاب کے بارے میں

یہ ویب کتاب ایک ادنیٰ سی کوشش ہے کہ اردو محفل پر رضاکاروں کی ٹِیم نے غالبؔ کے کلام پر جو کام کِیا ہے، اسے اردو ادب کے شائقین (خصوصاً قتیلانِ غالبؔ) کے لیے پیش کیا جا سکے۔

چونکہ یہ شاعری کی کتاب ہے، سو ہم نے شاعری کے لے‌آؤٹ کو بھی حتّی الامکان بہتر انداز میں ترتیب دینے کی کوشش کی ہے۔ فی الوقت ویب پر جسٹیفائیڈ شاعری کی وہ خوبصورتی تو حاصل نہیں کی جا سکتی جو ایک خطاط کا ہاتھ تخلیق کرتا ہے، لیکن شاعری کے دو کالمی لے‌آؤٹ کے لیے جدید سی‌ایس‌ایس میں تسلی بخش سہولیات موجود ہیں اور اُنہیں اِس ویب کتاب میں کثرت سے استعمال کیا گیا ہے۔ قاری کی ڈیوائس کا بھی خاص طور پر خیال رکھا گیا ہے — ایک موبائل فون کی سکرین پر تمام شاعری ایک کالم میں ظاہر ہو گی، جبکہ ٹیبلٹ اور ڈیسکٹاپ پر یہ دو کالمز میں ظاہر ہو گی: ٹیبلٹ میں ایک شعر کا ہر مصرع اپنی سطر میں ہو گا (پہلا مصرع دائیں طرف، اور دوسرا مصرع بائیں طرف)، جبکہ ڈیسکٹاپ پر دونوں مصرعے ایک ہی سطر میں آمنے سامنے ہوں گے۔ اسی طرح آخری شعر کے مصرعے بھی اپنی اپنی سطروں میں اور درمیان میں نظر آئیں گے۔

کچھ متفرق باتیں:

ہم امید کرتے ہیں کہ آپ کو یہ ویب کتاب پسند آئے گی۔

سعادت متین
جولائی ۲۰۲۱ء