جب بہ تقریبِ سفر یار نے محمل باندھا
تپشِ شوق نے ہر ذرّے پہ اک دل باندھا

؂۱ ناتوانی ہے تماشائی عمرِ رفتہ
رنگ نے آئینہ آنکھوں کے مقابل باندھا

اہل بینش نے بہ حیرت کدۂ شوخیٔ ناز
جوہرِ آئینہ کو طوطیٔ بسمل باندھا

؂۲ اصطلاحاتِ اسیرانِ تغافل مت پوچھ
جو گرہ آپ نہ کھولی، اسے مشکل باندھا

یاس و امید نے اک عرَبدہ میداں مانگا
عجزِ ہمت نے طِلِسمِ دلِ سائل باندھا

؂۳ نوکِ ہر خار سے تھا بس کہ سر دزدیٔ زخم
جوں نمد، ہم نے کفِ پا پہ، اسدؔ، دل باندھا

نہ بندھے تِشنگیٔ ذوق ؂۴ کے مضموں، غالبؔ
گرچہ دل کھول کے دریا کو بھی ساحل باندھا